www.tandavnews.com
Fact ~ In search of truth

टोले गुण्डा ललित छुटाउन नेताको दवाव

hima aus

पोखरा
ताण्डव न्यूज ।

धाक धम्की दिई चन्दा असुली गर्ने आरोपमा पक्राउ परेका टोले गुण्डा ललित गुरुङलाई छुटाउन दवाव आएको छ ।

शनिबार पक्राउ परेका ललितलाई छुटाउन स्थानीयदेखी केन्द्रसम्मका कांग्रेस नेताले दबाब दिएको कास्की एक प्रहरी अधिकृतले बताए ।

‘एसपी साबलाई पटक पटक नेताहरुको फोन आएको छ,’ उनले भने, ‘मुद्दा चलिसेको छ अब कसैको केही लाग्दैन् ।’

गुण्डागर्दीको विरुद्ध कुनै कमी कमजोरी नरहने जिल्ला प्रहरी कार्यालय कास्कीका प्रमुख तथा एसपी अशोक सिंहले बताए ।

‘ललितले व्यवसायीलाई धम्काएको प्रमाण छ,’ उनले भने, ‘गल्ती नै नगर्नेलाई यतिकै पक्राउ गर्ने कुनै भएन ।’

classic tech

ललित विगतमा जस्तै फेरी अपाराधिक क्रियाकलापमा फिर्न खोजेको भन्ने स–प्रमाण पाएको एसपी सिंहले बताए । ‘कुनै हालतमा छाडिदैन,’ उनले भने, ‘सुध्रिए ठिक छ नत्र गुण्डागर्दी गर्नेलाई कसरी तह लगाउनु पर्छ मैले जानेको छु ।’

ललितसहित अन्य दुई जनालाई कास्की प्रहरीले शनिबार पक्राउ गरेको हो । कास्की प्रहरीले ललित सहित पक्राउ गरेको अन्य दुईजना लाई पनि म्याद थप गरि अनुसन्धान प्रक्रिया अघि बढाएको छ ।

पोखरा–१२ बस्ने ३४ वर्षीय ललितसहित पोखरा–१२ शितलादेवी बस्ने २६ वर्षीय दीपेन्द्र परियार र पोखरा–५ बस्ने २५ वर्षीय संगम थापालाई कास्की प्रहरीले हिरासतमा लिएको छ ।

 

यो पनि पढ्नुहोस्

टोले गुण्डा ललित पक्राउ

© 2018, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

सम्बन्धित खवर
टिप्पणिहरु
Loading...