पोखरा
ताण्डव न्यूज ।
पोखरा–१९ लभ्ली डाँडामा महिला पुरुष झुण्डिएको अवस्थामा फेला परेको जोडीको पहिचान खुलेको छ ।
स्याङजा पुतलीबजार–९ घर भएका मनबहादुर भण्डारी र पोखरा बाझापाटनकी शशी नेपाली रहेको जिल्ला प्रहरी कार्यालय कास्की प्रमुख तथा एसपी ओमबहादुर रानाले जानकारी दिए । ‘केटा गाडीमा काम गर्ने हो भन्ने खबर पाएका छौ,’ उनले भने, ‘उनीहरु केही दिन अघि हराएको भनी हामीकहाँ उजुरी आएको थियो ।’
![Batas](https://www.tandavnews.com/wp-content/uploads/2022/04/Batas.jpg)
रानाका अनुसार उनीहरु १५ दिन अगाडी हराएको भनी जिल्ला प्रहरी कार्यालय कास्कीमा निवेदन परेको थियो । आज दिउँसो लभ्ली डाँडाको रुखको एउटै हाँगामा दुई छुट्टाछुटै डोरीमा झुण्डिएको अवस्थामा फेला परेपछि वडा प्रहरी कार्यालय वैदामले अनुसन्धान थालेको हो ।
शव सडेको अवस्थामा थियो । पुरुषको गोजीबाट प्रहरीले नागरिकता समेत फेला पारेपछि सोही नामको उजुरी कास्की प्रहरीकहाँ परेको थियो ।
त्यसपछि उजुरी दिने सम्बन्धी व्यक्तिलाई शवको पहिचान गर्न प्रहरीले बोलाएपछि पहिचान खुलेको हो ।
के कारणले झुण्डिएको भन्ने अझै खुल्न नसकेको कास्की प्रहरीको भनाई छ ।
© 2018, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.