पोखरा
ताण्डव न्यूज ।
इलाका प्रहरी कार्यालय शिशुवाका प्रमुख तथा डिएसपी विष्णुबरसिंह थापालाई जिल्ला प्रहरी कार्यालय कास्कीका प्रमुख तथा एसपी ओमबहादुर रानाले स्पष्टीकरण मागेका छन् ।
दोहोरी व्यवसायीलाई अनावश्यक दुख दिएको र दोहोरीमा काम गर्ने महिलाहरुको इज्जत प्रतिष्ठामा आच आउने शब्द बोलेको विषयमा विवादमा परेपछि डिएसपी थापालाई एसपी रानाले १५ दिन भित्र स्पष्टकरण पेश गर्न निर्देशन दिएका हुन् । ‘यदी गल्ती गरको पाइएमा तुरुन्तै कारवाही गर्छु,’ उनले भने, ‘चित्त बुझ्दो हुने गरि स्पष्टीकरण मागेको छु ।’
डिएसपी थापाले सात ताल दोहोरी साँझ ताल चोकका सञ्चालक सुनिल बस्नेतलाई अनावश्यक दुख दिएको आरोप लागेको थियो । दोहोरीमा खाएर रकम नतिरेको युवालाई कारवाही गर्नुको सट्टा उल्टो छाडिदिएको र डिएसपी थापाले दोहोरीमा काम गर्ने महिलालाई अपशब्द प्रयोग गरेर सम्बोधन गरेको आरोप समेत लागेको थियो ।
यसै विषयलाई लिएर लोक दोहोरी रेष्टुरेण्ट व्यवसायी संघ कास्कीका अध्यक्ष जीवन गुरुङ, उपाध्यक्ष वीरेन्द्र केसीसहितको टोली कास्की प्रहरीकहाँ पुगेका थिए । अध्यक्ष गुरुङले व्यवसायिक मर्यादा पालना गरेर अघि बढेको दोहोरीलाई अनावश्यक दुख दिन नहुने बताए ।
‘यदी कुनै व्यवसायीले गलत गर्छ भने कानुनको दायरामा ल्याउनु पर्छ, बरु हामी पनि सहयोग गछौ,’ उनले भने, ‘तर गल्तीनै नभएको व्यवसायीलाई अनावश्यक दुख दिन हँुदैन् । धेरैले दोहोरीलाई हेर्ने नजर फरक भएको हुनाले यस क्षेत्रलाई मर्यादित बनाउन सबैले ध्यान दिनुपर्छ ।’
यो पनि पढ्नुहोस्
रिसिवि साध्न लेखनाथका डिएसपी थापाद्धारा मनपरी कानून
© 2018, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.