पोखरा
ताण्डव न्यूज
कास्की जिल्ला बास्केटबल संघको आयोजनामा तिन दिने राष्ट्रिय स्तरिय रेफ्री क्लिनिक तथा रिफ्रेशर कोर्स (आज) आइतबारदेखि पोखरामा शुरु भएको छ ।
रिफ्रेशर कोर्सको शुभारम्भका अबसरमा बोल्दै नेपाल ओलोम्पिक कमिटीका सदस्य तेज गुरुङले खेल बाटनै जिवन जिउने कला सिक्न सकिने महत्वपूर्ण माध्यम भएको बताए । उनले अहिले अन्तर्राष्ट्रिय स्तरमानै यूवालाई प्रोत्सहान र अबसर प्रदान गरिएकोले पनि खेल संगै शिक्षा पनि उत्तिकै महत्वपूर्ण रहने बताए ।
कार्यक्रममा नेपाल बास्केटबल संघका उपाध्यक्ष जुम गुरुङले यस प्रशिक्षण कार्यक्रमले यस क्षेत्रका धेरै भन्दा धेरै रेफ्रीहरु उत्पादन गर्न सहयोग मिल्ने बताए । उनले बास्केटबलका खेलका नयाँ नियम सिक्न र जान्न पनि यो प्रशिक्षण उत्तिकै प्रभावकारी हुने धारणा राखे ।
कास्की जिल्ला बास्केटबल संघका अध्यक्ष ध्वज कुमार गुरुङको अध्यक्षतामा भएको कार्यक्रममा संघका सदस्यहरु प्रदिप रसाइली र अर्जुन परियारले समेत बोलेका थिए ।
असौज ९ गते सम्म संचालन हुने प्रशिक्षणमा नेपाल बास्केटबल संघका केन्द्रिय सदस्य एवम फिबा रेफ्री राजकुमार मर्हजनले प्रशिक्षण दिनेछन । प्रशिक्षणमा कास्की, स्याङजा र म्याग्दीका गरि ४० जना सहभागी रहेका छन जसमा १० जना महिलाहरुको सहभागिता रहेको छ ।
उनीहरुलाई रेफ्रि क्लिनिक तथा रिफ्रेशर कोर्स प्रदान गरि राष्ट्रियस्तरको बास्केटबल रेफ्री बनाइने लक्ष्य लिइएकोछ ।
© 2018, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.