www.tandavnews.com
Fact ~ In search of truth
Mulberry

२०२३ सम्ममा मुलुकलाई दादुरा र रुबेलामुक्त बनाउनुपर्नेमा जोड

hima aus

विराटनगर ।

राष्ट्रिय खोप कार्यक्रम तथा दादुरा र रुबेला खोप अभियानलाई सशक्त, प्रभावकारी र सफल बनाउनुपर्ने आवश्यकतामाथि सहभागीहरुले जोड दिएका छन् ।

परिवार कल्याण महाशाखाद्वारा हिजो (बुधबार) विराटनगर आयोजित कार्यक्रमका सहभागीहरुले सन् २०२३ सम्ममा मुलुकलाई दादुरा र रुबेलामुक्त बनाउन यो अभियानलाई सशक्त ढंगले लैजानुपर्ने सुझाव दिएको छ ।

Batas

आगामी फागुन १ देखि फागुन मसान्तसम्म चल्ने सो अभियानअन्तर्गत दादुर, रुबेला नौ महिनादेखि पाँच वर्षसम्मका र पोलियो थोपा जन्मेदेखि पाँच वर्षसम्मका बालबालिकालाई अनिवार्य खुवाउनुपर्ने अभियानको लक्ष्य छ ।

देशभरिमा पाँच वर्षमुनिका ३० लाख र जन्मेदेखि पाँच वर्षका करिब १५ लाख बालबालिका यो अभियानमा सहभागी हुनेछन् । यस प्रदेशमा करिब पाँच लाख बालबालिका हुनसक्ने प्रारम्भिक अनुमान स्वास्थ्य निर्देशनालय धनकुटाको छ ।

classic tech

खोप अभियानसँगै यस वर्ष खोप प्रमाणपत्र वितरण गर्ने र यसमा खोपको अवस्था कस्तो छ बुझिने तथा आगामी कार्यक्रम एवं योजना बनाउन मद्दत पुग्ने विश्वास गरिएको छ ।

सो अवसरमा सामाजिक विकासमन्त्री जीवन घिमिरेले यस क्षेत्रमा कार्यरत स्वास्थ्यकर्मी दक्ष एवं तालीम प्राप्त हुनुपर्ने बताउँदै खोपसँगै स्वास्थ्य बीमाको कार्यक्रम लैजान सकियो भने आम नागरिक लाभान्वित हुने विश्वास व्यक्त गरे।

‘सरकारको लगानी एवं छात्रवृत्तिबाट चिकित्सक बनेका स्वास्थ्यकर्मी दुर्गम जान नमान्नु दुर्भाग्य हो’, उनले भने, ‘कर्मचारीले क्षमता प्रयोग नगर्ने, आदेश र निर्देशनमा पर्खेर बस्ने प्रवृत्तिले काममा ढिलाइ भइरहेको हुँदा यस्तो प्रवृतिको अन्त्य हुनुपर्छ ।’

सामाजिक विकास समितिका सभापति सरिता थापाले यो अभियानलाई सफल बनाउन समितिको तर्फबाट गर्न सकिने सहयोग गर्ने प्रतिबद्धता व्यक्त गरे ।स्वास्थ्य निर्देशनालय धनकुटाका प्रमुख चन्द्रदेव मेहताले सरकारको हरेक उद्देश्यलाई पूरा गर्न निर्देशनालय तत्पर रहेको बताए ।

बाल स्वास्थ्य तथा खोप सेवा महाशाखाका प्रमुख डा .झलक शर्मा गौतमले खोपको कारणले बिरामी र अपांगता घटाएको बताए । खोप अधिकृत भरतमणि भण्डारीले खोपमुक्त मुलुक बन्न नसक्नुका कारण प्रारम्भिक खोप लिने र पछि नलिने रहेको बताए । रासस

© 2019, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

You might also like

Comments are closed.