www.tandavnews.com
Fact ~ In search of truth
Mulberry

महाशाखाको २४ घण्टे चेतावनीःमेघगर्जनसहित वर्षा र भारी हिमपातको सम्भावना

hima aus

काठमाडौं ।

आज (बुधबार) देशका अधिकांश भेगमा मेघगर्जनसहित वर्षा हुने सम्भावना रहेको मौसम पूर्वानुमान महाशाखाले जनाएको छ । पश्चिमदेखि पूर्वसम्म देशका धेरै स्थानमा मेघ गर्जनसहित वर्षा तथा भारी हिमपात हुने सम्भावना रहेको महाशाखाले जनाएको छ ।

देशका उच्च पहाडी तथा हिमाली भेगका केही स्थानमा आज मध्यमदेखि भारीसम्म हिमपात हुने सम्भावना रहेको मौसम पूर्वानुमान महाशाखाले उल्लेख गरेको छ।आइतबार र सोमबार दुई दिन मौसम खुले पनि पुनः पश्चिमी वायुको प्रभाव सुरु भएको हो। यसअघि पनि झन्डै पाँच दिनसम्म देशभर वर्षा तथा उच्च पहाडी र हिमाली भेगमा हिमपात भएको थियो।

Batas

मौसम पूर्वानुमान महाशाखाले बुधबार बिहान आगामी २४ घण्टाका लागि चेतावनी तथा परामर्श जारी गर्दै भनेको छ ःदेशका केही स्थानहरूमा वर्षा हिमपातको सम्भावना रहेको र यसकै कारण जाडो बढ्ने हुनाले चिसोबाट जोगिने उपाय अपनाउन सबैमा अनुरोध छ।

आगामी तीन दिनको मौसम पूर्वानुमान
पुस २३ गते बुधबार

दिउँसोः देशभर सामान्यदेखि पूर्णसम्म बदली रही पश्चिम र मध्यका केही स्थानमा हल्कादेखि मध्यमसम्म वर्षाको सम्भावना छ। पूर्वी भूभागमा हल्का वर्षाको सम्भावना छ। देशका उच्च पहाडी तथा हिमाली भूभागका केही स्थानमा मध्यमदेखि भारीसम्म हिमपात हुने सम्भावना छ।

classic tech

राति :देशभर सामान्य बदली रही पश्चिमका केही स्थान तथा मध्य र पूर्वका थोरै स्थानमा हल्कादेखि मध्यमसम्म वर्षाको सम्भावना छ। देशका उच्च पहाडी तथा हिमाली भूभागका केही स्थानमा मध्यमदेखि भारीसम्म हिमपात हुने सम्भावना छ।

पुस २४ गते बिहीबार
दिउँसो :देशभर सामान्य बदली रही केही स्थानमा हल्कादेखि मध्यमसम्म वर्षाको सम्भावना छ। देशका उच्च पहाडी तथा हिमाली भूभागका केही स्थानमा मध्यमदेखि भारीसम्म हिमपात हुने सम्भावना छ।

राति :देशका मध्य तथा पूर्वी भूभागमा सामान्य तथा पश्चिमका भूभागमा आंशिक बदली रही पश्चिमका एक(दुई तथा मध्य र पूर्वका थोरै स्थानमा हल्कादेखि मध्यमसम्म वर्षाको सम्भावना छ।

पुस २५ गते शुक्रबार

दिउँसो :देशका पूर्वी र मध्य पहाडी भूभागमा आंशिकदेखि सामान्यसम्म बदली रही बाँकी स्थानमा मौसम सामान्यतया सफा रहनेछ। मध्य र पूर्वी पहाडी भूभागका एक–दुई स्थानमा हल्का वर्षाको सम्भावना छ।

राति :देशभर मौसम सामान्यतया सफा रहनेछ।

© 2020, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

सम्बन्धित खवर
टिप्पणिहरु
Loading...