पोखरा
ताण्डव न्यूज ।
अविरल वर्षाका कारण पोखरा महानगरपालिका वडा नं ९ महेन्द्रपुलमा सडक भासिएको छ । सेलवेज डिपार्टमेण्टल स्टोर्स अगाडि गरिमा विकास बैँक आडमा ४ मिटर जमिन भासिएको कास्की प्रहरीका डिएसपी सुवास हमालले जानकारी दिए । हमालका अनुसार गएराती करिब ९ बजेतिर सडक भासिएको हो ।
सडक भासिदा चार घर जोखिममा परेका छन् । भासिएको ठाउँमा प्रहरी र स्थानीयको सहयोगमा ढुंगा गिटीले पुर्ने काम भईरहेको डिएसपी हमालले बताए । उक्त क्षेत्रमा खानेपानी विस्तारका लागि सडक खनिएको र खनेको ठाउँमा माटोले मात्र पुरेका कारण भेल पसेर सडक भासिएको स्थानीयहरुको भनाई छ ।
पोखरामा हिजो बेलुका करिब ७ बजेदेखि निरन्तर वर्षा भईरहेको छ ।
© 2021, Tandav News. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.