दमौली
गण्डकी प्रदेशसभा सदस्य आशा कोइरालाले प्रदेश निर्वाचन क्षेत्र पूर्वाधार विकास कार्यक्रमअन्तर्गत विभिन्न योजनाका लागि बजेट बाँडफाँट गरिका छन् । उनले चालु आर्थिक वर्ष २०७८÷७९ को निर्वाचन क्षेत्र नं २ ‘क’ अन्तर्गत विभिन्न योजनाका लागि बजेट बाँडफाँट गरेकी हुन् ।
रु दुई करोड बजेट विभिन्न ३० योजनामा विनियोजन गरिएको उनले जानकारी दिइन् । शुक्लागण्डकी, म्याग्दे र व्यासका दुई वडा समेटिएको क्षेत्रमा विभिन्न योजनाका लागि बजेट बाँडफाँट गरिएको हो । कार्यक्रमअन्तर्गत खेलमैदान निर्माण, टोल विकासको भवन निर्माण, सडक स्तरोन्नतिलगायतका योजनामा बजेट विनियोजन गरिएको छ ।
एमाले महाधिवेशनः तनहुँबाट पाँच आकांक्षी
नेकपा ‘एमाले’ को चितवनमा जारी महाधिवेशनमा तनहुँका पाँच जनाले पदाधिकारीसहित केन्द्रीय सदस्यमा आकांक्षा व्यक्त गरेको छ । जिल्लाबाट उपाध्यक्षसहित पाँच जनाले केन्द्रीय सदस्यमा आकांक्षा व्यक्त गरिएको हो ।
स्थायी कमिटी सदस्य एवं गण्डकी प्रदेश संयोजक किरण गुरुङले उपाध्यक्ष पदमा आकांक्षा व्यक्त गरेका छन् । गत महाधिवेशनमा उपाध्यक्ष पदमा पराजित भएका उनले यस पटक पनि सोही पदमा आकांक्षा व्यक्त गरेका छन् ।
त्यस्तै केन्द्रीय सदस्य एकबहादुर राना, केन्द्रीय सल्लाहकार परिषद्का सदस्य टुकराज सिग्देल, राष्ट्रियसभा सदस्य भगवती न्यौपाने र गण्डकी प्रदेशसभा सदस्य रामबहादुर गुरुङले एमालेको केन्द्रीय सदस्यमा उम्मेदवारी दिने घोषणा गरेका छन् ।
नेता राना र गुरुङले जनजाति कोटाबाट, सिग्देलले गण्डकी प्रदेशको भूगोलबाट र न्यौपाने महिला कोटाबाट उम्मेदवार बन्ने बताए । एमालेले यसपटक ३३ प्रतिशत महिला केन्द्रीय सदस्य प्रत्याभूति गरेको हुँदा न्यौपाने केन्द्रीय सदस्य बन्नेमा ढुक्क रहेको बताइन् । यसपटक पार्टी नेताहरुकै सल्लाहमा केन्द्रीय सदस्यको उम्मेदवार बन्ने र विजयीसमेत हुनेमा ढुक्क रहेको उनले बताइन् ।
विसं २०५१ मा नेकपा ‘एमाले’ को सदस्यता प्राप्त गरेकी उनी विसं २०५६ बाट यता निरन्तर एमालेको जिल्ला कमिटीमा विभिन्न पदको जिम्मेवारीमा छन् । न्यौपाने हाल एमाले तनहुँका सचिव तथा अखिल नेपाल महिला संघको केन्द्रीय सदस्य र तनहुँ जिल्ला इन्चार्जसमेत हुन् ।
गण्डकी प्रदेशसभा सदस्य रामबहादुर गुरुङले जनजाति कोटाबाट केन्द्रीय सदस्यमा उम्मेदवारी दिने जानकारी दिए । गत कात्तिक २७ गते तनहुँमा प्रतिनिधि छनोट गर्ने क्रममा उनी जिल्लाबाट छनोट हुन सकेको थिएन । गलैँचा निर्यात संघका केन्द्रीय अध्यक्षसमेत रहेका उनले उद्योगी व्यवसायीको प्रतिनिधित्व गर्दै केन्द्रीय सदस्यमा उम्मेदवारी दिने जानकारी दिए ।
रासस
© 2021, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.