www.tandavnews.com
Fact ~ In search of truth

डा लामिछानको ‘हामी सबैले सक्दछौँ’ गीत सार्वजनिक

पोखरा, ताण्डव न्यूज

पोखरा, विकासविद् तथा सकारात्मक सोँच विस्तारका लागि सक्रिय डा आरसी लामिछानेले आफ्नै शब्दमा ‘हामी सबैले सक्दछौँ’ बोलको उत्प्रेरक गीत सार्वजनिक गरेका छन् ।

सबैलाई सफल जीवनमा लाग्न उत्प्रेरणा दिदैँ जीवनमा हामी सबैले केही न केही सफल काम गर्न सक्छौँ भन्ने भाव गीतले बोकेको छ । सामुदायिक रेडियो प्रसारक संघ ‘अकोराब’ नेपालका पूर्व कार्यकारी निर्देशकसमेत रहेका लामिछानेले लेखेको गीतमा गायक एवं संगीतकार नरहरी प्रेमी र गायिका काब्य आचार्यले स्वर दिएका छन् भने लक्षुप्रकाश मल्लले संगीत संयोजन गरेका छन् ।

Batas
machhapuchre
madi

मानिसमा भएको निराशा र नकारात्मक सोँचलाई हटाउन सके संसारै उज्यालो बनाउन सकिने सन्देशसहितको यो गीत विभिन्न सकारात्मक सोँच जगाउन आयोजना गरिने तालिमका लागि पनि प्रभावकारी हुने विश्वास लामिछानेले व्यक्त गरे । करिब १७ वर्षदेखि प्रशंसनीय खोज सम्बन्धी तालिम दिँदै आएका लामिछानेले केस वेस्टन विश्वविद्यालयबाट प्रशंसनीय खोजमा अध्ययन पनि गरेका छन् ।

नेपालमा मात्रै होइन चीन, भारत, बंगालादेश, फिलिपिन्स लगायतका देशहरूमा प्रशिक्षकको रुपमा उनले सकारात्मक सोँच र प्रशंसनीय खोजसम्बन्धी तालिम सञ्चालन गरेका छन् । लामिछाने हाल पोखरा महानगरपालिका सहरी योजना आयोगको उपाध्यक्षको रुपमा कार्यरत छन् ।

© 2022, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

classic tech
You might also like

Comments are closed.