पोखरा ।
मनिपाल शिक्षण अस्पतालले पोखरा–२८ कालिकामा निःशूल्क आँखा तथा दन्तको एक दिने शिविर सञ्चालन गरेको छ । रोटरी क्लव अफ लेखनाथको सहकार्यमा भएको कार्यक्रममा ७ सय ५३ जनाले स्वास्थ्य लाभ लिएका छन् । आँखाका ४ सय ३७ र दन्तका ३ सय १६ गरि कूल ७ सय ५३ जनाले स्वास्थ्य लाभ लिएका हुन्।
स्वास्थ्य परिक्षण गर्न आएका अधिकांश स्थानियहरूले शिविरले आँखाको दीर्घकालीन समस्या हुनबाट जोगाएको बताए । जटिल समस्या आउनु भन्दा पहिले नै परिक्षण गराउन पाउदाँ आर्थिक र शारिरिक क्षति कम हुने स्थानियको भनाइ थियो ।
शुक्रबार भएकाे कार्यक्रममा स्वास्थ्य परिक्षण गर्ने आउने विरामीलाई निःशुल्क आवश्यक औषधिको समेत वितरण गरिएको थियो । स्वास्थ्य शिविरमा आएका विरामीहरुमा जटिल समस्या देखिएमा शिविरको विरामी पूर्जाको आधारमा मनिपाल शिक्षण अस्पतालले उक्त विरामीलाई छुट ब्यवस्था गरेको अस्पतालले जनाएको छ ।
© 2023, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.