www.tandavnews.com
Fact ~ In search of truth

सार्वजनिक जग्गा व्यक्तिले दाबी गरेर पाइँदैनः मेयर जिसी

hima aus

पोखरा
ताण्डव न्यूज
पोखरा लेखनाथ–३० मा रहेको करिब १८ रोपनी सार्वजनिक जग्गा दाबी मात्र गरेर नहुने मेयर मानबहादुर जिसीले बताएका छन् । सार्वजनिक जग्गा भू–माफियाले कुम्ल्याउन खोजेको गुनासो आएपछि मेयर जिसीले जग्गा दाबी गर्न प्रमाण हुनुपर्ने बताएका हुन् ।

‘मेरो जग्गा भनेर मात्र हुँदैन, आधार प्रमाण हुनुपर्छ,’ उनले भने, ‘निवेदनको भरमा सिफारिस गर्न मिल्दैन ।’ सार्वजनिक जग्गा कुनै हातलमा व्यक्तिको नाममा नहुने मेयर बताए ।

कुनै आधार बिना नेताको आड लिएर केही व्यक्तिहरुलाई आर्थिक प्रलोभनमा पारेर सार्वजनिक जग्गा कुम्लाउन खोजेपछि स्थानीय रुष्ट भएका हुन् ।

फागुन २ गते पोखरा लेखनाथ महानगरपालिका–३० शिसुवा, खयरखोरमा रहेको उक्त सार्वजनिक जग्गा आफ्नो रहेको भन्दै कल्याणी भारीको निवेदन अर्जुन भारीले बुझाएको वडा कार्यालयमा बुझाएका थिए ।

अध्यक्ष श्रीराम पोखरेलले पनि कुनै हालतमा सार्वजनिक जग्गा व्यक्तिको नाममा सिफारिस नगरिने बताए । ‘प्रमाण केही छैन,’ उनले भने, ‘त्यो सार्वजनिक जग्गा सार्वजनिक नै रहन्छ ।’

classic tech

सार्वजनिक जग्गा संरक्षण अभियन्ता चोलाप्रसाद बरालले विगतमा पनि यसरी सार्वजनिक जग्गा दाबी गरेर खान खोजेको बताए । ‘विगतमा जे भयो हामीले रोक्ने प्रयास गर्यौ, अब कुनै हालतमा सार्वजनिक जग्गा खान दिदैँनौ,’ उनले भने, ‘यो विषयमा जनतापनि सचेत हुन जरुरी छ ।’

पैसाको लोभमा सार्वजनिक जग्गा खान खोजेको स्थानीयले बताए । अहिले त्यो करिब १८ रोपनी जग्गालाई २०–२५ करोड पर्छ ।

यो पनि पढ्नुहोस् ।

लेखनाथको सार्वजनिक जग्गा भू–माफियाले कुम्ल्याउन खोजेपछि…

 

© 2018, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

सम्बन्धित खवर
टिप्पणिहरु
Loading...