www.tandavnews.com
Fact ~ In search of truth

अन्तर्राष्ट्रिय स्तरको ‘फुड कार्निभल’ पोखरामा, धमाधम टिकट बिक्री हुँदै

hima aus

पोखरा
ताण्डव न्यूज ।

आई ब्लुज म्यानेजमेन्ट प्रालिले नेपाली नयाँ बर्ष २०७५ को अवसरमा गर्न लागेको अन्तराष्ट्रिय स्तरको फुड कार्निभलको टिकट धमाधम बिक्री भईरहेको छ । चैत ३० गते पोखराको नयाँबजार स्थित प्रदर्शनी केन्द्रमा कार्यक्रमको आयोजना हुन गईरहेको फुड कार्निभलको टिकट बिक्री काउन्टरबाट उल्लेखनीय बिक्री भईरहेको प्रालिका प्रबन्धक कुशल थापाले बताए ।

नेपालीहरुमापनि नयाँ वर्षको सुखद क्षणमा विभिन्न फुड स्टलका खानाका परिकार, पेय पदार्थ, पार्टी र डिजे म्युजिकको प्रस्तुतिमा रमाउने वातावरण तयार गर्ने उद्देश्यले पोखरामै पहिलो पटक कार्यक्रमको आयोजना गरिएको प्रालिले जनाएको छ ।

दुई चरणमा सम्पन्न हुने कार्यक्रमका लागि टिकट व्यवस्था गरिएको प्रालिका उपाध्यक्ष धिरज थापाले बताए । उनका अनुसार पहिलो चरणमा दिउँसो ११ बजेदेखि साँझ ५ बजेसम्म कार्यक्रम राखिएको छ । एक हजार रुपैयाँ टिकटमा प्रवेश पासको व्यवस्था छ ।

दोस्रो चरणको साँझ ७ बजे देखि संचालन हुने कार्यक्रमका लागि दुई हजार रुपैयाँ टिकटमा वेलकम ड्रिङ्स र प्रवेश पासको व्यवस्था गरिएको छ ।

classic tech

१२ हजार रुपैयाँ टिकटमादुई जनाका लागि जिल्ला बाहिरबाट आउने पाहुनालाई एकतर्फी यातायात सुविधा, वेलकम ड्रिङ्स, प्रवेश पास, उच्च स्तरीय होटलमा एसी सुविधा सहितको कोठामा बस्नका लागि प्रबन्ध गरिएका थापाले बताए । ‘बिहान बे्रकफाष्ट सहित फेवातालमा बोटिङको सुविधासमेत उपलब्ध गराइने उनले औल्याए ।

कार्यक्रमको टिकट आइब्लुज रेष्ट्रो नयाँबजार, मिडटाउन ग्यालेरीया, भाटभटेनी सुपरमार्केट, ट्रेड मल पोखरा, श्रीकृष्ण चलचित्र घर तर्सापट्टीमा उपलब्ध गराईएको छ ।

कार्यक्रमबाट संकलित रकममध्ये ५ प्रतिशत आविष्कार केन्द्र (महाविर पुन) लाई सहयोग गरिने जनाइएको छ ।

© 2018, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

सम्बन्धित खवर
टिप्पणिहरु
Loading...