www.tandavnews.com
Fact ~ In search of truth

युआरएलको सहयोगमा पुरुन्चौरमा स्वास्थ्य शिविर

पोखरा 

जनसेवा बचत तथा ऋण सहकारी पोखरा–पुरुन्चौरले शनिबार आयोजना गरेको निशुल्क मधुमेह तथा रगतमा हुने खराब बोसो सम्बन्धी रक्त परीक्षणमा ३ सय ५२ जनाले रगत जाँच गराएका छन् ।

युनाइटेड रेफरेन्स ल्याबोरेटरी प्रालि(युआरएल)को प्राविधिक सहयोगमा भएको कार्यक्रममा वरिष्ठ मुटुरोग विशेषज्ञ डा. रामचन्द्र काफ्ले धूमपानले मुटुरोगका समस्या निम्त्याउने बताए ।

उनले भने, ‘मैले उपचार गरेका हृदयघात भएका बिरामीमध्ये ९० प्रतिशतले धूमपान गर्ने गरेको बताए । यसले रगतमा हुने खराब बोसो बढाउछ र आवश्यक बोसो चाहिँ घटाइदिन्छ ।’

डा. काफ्लेले खानपान र जीवनचर्या सन्तुलित बनाउन सके मधुमेहको जोखिमबाट धेरै हदसम्म बाच्न सकिने उल्लेख गरे ।

Lama collectio News Middle

युआरएलका प्रबन्ध निर्देशक ठाकुरप्रसाद पन्तले सुलभ तवरले नागरिकले आफ्नै टोलमा सेवा पाउन भनी स्वास्थ्य शिविर आयोजना गरिएको बताए ।

रोगको मुहान भनिने मधुमेहबाट बाच्न सचेतना र रोग लागिसकेको भए सही निदानमा सघाउने विभिन्न संघ, संस्थाको सहकार्यमा शिविर आयोजना गर्ने गरेको प्रष्ट पारे ।

कार्यक्रममा पोखरा १९ का वडा सदस्य कमल बास्तोला, लेखा समिति संयोजक पुष्पराज पौडेल र पूर्व अध्यक्ष तेजबहादुर अधिकारीले बोलेका थिए ।

सहकारीका अध्यक्ष लीलाधर अधिकारीको अध्यक्षतामा भएको कार्यक्रममा स्वागत उपाध्यक्ष इन्द्रकुमारी पौडेल र सञ्चालन सचिव गोविन्द पौडेलले गरेका थिए ।

© 2018, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

Bernhardt
सम्बन्धित खवर
टिप्पणिहरु
Loading...
Hotpop