महोत्सवमा आलुको स्वाद लिदै दर्शक

पोखरा,

नवौं राष्ट्रिय हेमजा आलु महोत्सव–२०७४ जारी छ । पोखरा हुने महोत्सव भन्दा भिन्न महोत्सव भएकाले पनि दशर्कहरु फरक मनोरञ्जन लिनका लागि पनि आलु महोत्सवमा सहभागिता बढाएका छन् ।

महोत्सवमा विभिन्न थरीका आलुका परिकारले पनि दशर्कको मन तानेको छ । महोत्सव पस्यो कि आलु । रेष्टुरेण्ट्र छिर्यो आलुकै परिकार । स्टेज तिर हेर्यो आलुकै माला । महोत्सवमा सहभागि कलाकार पनि आलुकै गुनगान । यसैले गर्दा पनि महोत्सव दर्शकको रोजाई बनेको छ ।

‘अरु मेला महोत्सव भन्दा पनि यहाँको महोत्सव भिन्न प्रकारको भएकोले पनि दर्शकहरुको चाप दिन प्रतिदिन बढेको छ’ विष्णुपादुका क्लबका अध्यक्ष रमेश कार्कीले भने, ‘यहाँहरुको साथ सहयोगले नै महोत्सव सफल भएको छ ।’

महोत्सवको तेस्रो दिन सम्म महोत्सव भित्र वाहिर गरी २५ लाखको आलुको कारोवार र २५ हजार दर्शकले मेला अवलोकन गरेको महोत्सव मुल आयोजक समितिका संयोजक सुविन श्रेष्ठले जानकारी दिए ।

महोत्सव आलुको परिकारसँगै साँस्कृतिक कार्यक्रममा पनि दशर्कले भरपूर्ण मनोरञ्जन लिएका थिए ।

महोत्सवमा शनिवार देखि रत्यौली प्रतियोगिता र खुल्ला एकल नृत्य प्रतियोगिता शुरु भएको छ । महोत्सव चैत ३० गते सम्म चल्ने छ।

© 2018, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।