पोखरा
ताण्डव न्यूज ।
कास्कीको माछापुच्छ्रे गाउँपालिका वडा नं ३ घाचोक भलावोट शुक्ला गण्डकी माध्यमिक विद्यालयमा आयोजना हुने ‘श्री विराट शैक्षिक श्रीमद्भागवत धनधान्याञ्चल महायज्ञ’ को तयारी लगभग अन्तिम चरणमा पुगेको छ ।
महायज्ञ यही बैशाख ११ देखि १८ गतेसम्म विद्यालयकै प्राङगणमा सञ्चालन हुनेछ ।
वहुउदेश्यीय प्राविधिक शिक्षालयको पूर्वाधार स्थापनाको लागि महायज्ञ आयोजना गरिएको धनधान्यान्चल महायज्ञ आयोजना गरिएको मूल आयोजक समितिका अध्यक्ष रविलाल पोखरेलले बिहीबार पत्रकार सम्मेलन गरी जानकारी दिए ।
महायज्ञको प्रमुख वाचक भाष्कर पण्डित कमलनयन गौतमले गर्नेछन् ।
प्राविधिक शिक्षाको लागि आवश्यक पूर्वाधार निर्माण गरेर समयानुकुल प्राविधिक शिक्षाका विषयहरुलाई विविधिकरण गरि विद्यार्थीहरुलाई प्राविधिक शिक्षातर्फ उत्प्रेरित गरि आत्मनिर्भर वनाउने उद्देश्य राखी महायज्ञ आयोजना गरिएको हो ।
महायज्ञ सम्पन्न गर्नको लागि ११११ सदस्यीय मुल आयोजक समिति र ७५ वटा विभिन्न उपसमितिहरु गठन गरिएको छ ।
महायज्ञको पहिलो दिन शान्तिकलश सहितको शोभायात्राले गाउँ परिक्रमा गरी सुरु हुने समुद्घाटन कार्यक्रम प्रदेश ४ का मुख्य मन्त्री पृथ्वीसुब्बा गुरुङले गर्नेछन् ।
हामी र हाम्रा सन्ततीको लागि प्राविधिक शिक्षाको पहुँच पु¥याउने उद्देश्य परिपूर्ति गर्नको लागि स्थापना गरिने प्राविधिक शिक्षालयको व्यवस्थापनका लागि सिड फन्ड संकलन गर्ने उद्देश्यले रहेको अध्यक्ष पोखरेलले बताए ।
गाउँपालिकाको ९ वटा वडाहरुको केन्द्रमा घाचोक भलावोटमा २०३७ साल माघ २ गते स्थापना भएको विद्यालयले कक्षा नर्सरी देखि १२ सम्ममा शिक्षा तथा व्यवस्थापनका कार्यक्रमहरु सञ्चालन गरिरहेको छ ।
तस्विर : मन गुरुङ
© 2018, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.