www.tandavnews.com
Fact ~ In search of truth

एक लाख आप्रवासी कामदार लिने फ्रान्सेली होटेलको प्रस्ताव

पेरिस, फ्रान्स

फ्रान्सेली होटेल तथा रेष्टुरेन्टका सञ्चालकहरूले कामदारको अभाव टार्न आप्रबासी शरणार्थीलाई लिने प्रस्ताव सरकारसँग गरेका छन् ।

आप्रबासी शरणार्थीकालाई उत्पादनमुलक क्षेत्रमा प्रयोग गरी शरणार्थीका कारण वेलाबखत सिर्जना हुने समस्यालाई नियमन गर्न उनीहरूलाई रोजगारी दिने प्रस्ताव होटेल तथा रेष्वटुरेन्ट सञ्चालकहरूको रहेको उनीहरूको दावी छ ।

फ्रान्सको होटेल उद्योगसम्बन्धी निकाय यूएमआइएचका अध्यक्ष रोलान्ड हेगले एएफपीलाई बताए “होटेल तथा रेष्टुरेन्टको क्षेत्रमा कामदारको व्यापक अभाव महशुस हामीले गरेका छौँ । आप्रबासी शरणार्थीलाई काम दिएर यसको समाधान खोज्ने प्रस्ताव हामीले गरेका छौँ ।”

“कम्पनीहरूले कामदारको मागलाई स्वदेशी जनशक्तिबाट धान्न कठीन भएको छ । हामीले शरणार्थीलाई हाम्रो व्यवसायमा जोडेर समस्याको समाधान गर्न सरकारसँग समन्वय गरेका छौँ । अनुमति पाएमा सोही अनुरूप अघि बढ्ने सोच हाम्रो छ,” उनले भने ।

अन्य विकशित मुलुकमा जस्तै निम्न आम्दानीका कामदारका लागि समस्या देखिँदै आएको छ । होटेलको उच्च आम्दानीका आतिथ्य क्षेत्रका कामदारका लागि खासै समस्या नभएपनि महादेशीय खाना तथा सरसफाई गर्ने कामदारको भने अभाव रहँदै आएको छ ।

हामीले लिने भनिएका कामदारमध्ये ५० प्रतिशत रोजगारी स्थायी प्रकृतिका रहने र बाँकी अस्थायी हुनेगरी करार गर्न तयार छौँ, हेगले बताए ।

फ्रान्सले सन् २०१७ मा एक लाख आप्रवासी शरणार्थी भित्राएको थियो । यो पहिलेका बर्षहरूमाभन्दा १७ प्रतिशतले बढी हो ।
फ्रान्सको कानून अनुसार शरणार्थीले आवासीय अनुमति पाएपछिमात्र देशभित्र काम गर्न सक्छन तर शरणार्थी दावीसाथ अनुमतिका लागि उनीहरूले निवेदन दिएको नौ महिना पर्खनुपर्ने हुन्छ ।

फ्रान्सको संसदबाट आप्रवासीसम्बन्धी बिल गत हप्ता पास गरेको थियो । तर बिलले कानूनी स्वरूप पाउन भने राष्ट्रपतिबाट उक्त विधेयकमा हस्ताक्षर गर्नुपर्छ ।-एजेन्सी

Lama collectio News Middle

© 2018, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

Bernhardt
सम्बन्धित खवर
टिप्पणिहरु
Loading...
Hotpop