www.tandavnews.com
Fact ~ In search of truth

आज (बुधबार) पोखरामा फिफा टुर्नामेन्ट

पोखरा ।

पोखरामा आज बुधबार फिफा प्रतियोगिता हुने भएको छ ।

कोल म्यानेजमेन्टको आयोजनामा हुन लागेको फिफा प्रतियोगिता पोखराको भाटभटेनी स्थित पोखरा स्काई स्पोर्टसमा हुने आयोजकले जानकारी दिएको छ ।नेपालकै सर्वाधिक ठूलो फिफा प्रतियोगिता दावी गरिएको खेलमा यस अघि पोखरा बुटवल, चितवन, बिराटनगर, काठमाण्डौं, ललितपुर लगायतका जिल्लामा भएको छनोट चरणबाट ३२ जना छानिएका छन ।

Batas
madi
machhapuchre

आयोजक संस्थाका अध्यक्ष राजन केसीले भने, ‘छनोट भएका खेलाडीले फाइनल सम्म पुग्नका लागि क्वाटरफाइनल, सेमीफाइनल पार गर्नुपर्ने हुन्छ ।’ उनले भने, ‘फाइनल राउण्डसम्म ६३ वटा खेल हुने छन । सोही प्रतिस्पर्धाका आधारमा टुर्नामेन्टको विजेताको टुंगो लाग्ने छ ।’ पोखराका युवाहरुले पोखरालाई केही नयाँपन दिउँ भनेर प्रतियोगिताको आयोजना गर्न लागेको उनले बताए ।

प्रतियोगितामा प्रथम हुने खेलाडीलाई नगद पुरस्कार ६४ हजार सहित १२ हजार बराबरको गिफ्ट ह्यापर प्राप्त गर्नेछन । यस्तै द्वितिय पुरस्कार नगद ४० हजार, प्रतियोगितामा क्रमश तृतिय र सान्तवना हुनेले २५ हजार र १६ हजार नगद पुरस्कार प्राप्त गर्ने छन । यस्तै खेलमा पाँचौ देखी ८ औं स्थानसम्म पुग्ने खेलाडीले ६ हजार नगद पुरस्कार पाउने छन भने ९ देखी १६ औं स्थानमा पुग्ने खेलाडीलाई चार हजार पुरस्कारको व्यवस्था गरिएको संस्थाका अर्का सदस्य नवराज पराजुलीले जानकारी दिए ।

प्रतियोगितामा पुरस्कारमात्रै दुई लाख बढी रहेको आयोजक संस्थाका सदस्य प्रबिण गोदारले बताए । प्रतियोगितामा फाइनल सम्म पुग्ने खेलाडीको सम्पूर्ण खर्च आयोजकले नै बेहोर्ने उनले बताए ।प्रतियोगिताबाट बचत भएको रकम केही प्रतिशत रकम आरम्भ फाउन्डेसन नामक संस्थालाई हस्तान्त्रण गरिने गोदारले जानकारी दिए । खेल बिहान साढे ९ बजेबाट सुरु हुने छ ।

© 2019, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

classic tech
You might also like

Comments are closed.