www.tandavnews.com
Fact ~ In search of truth

गोरखामा अनुदानका लागि कृषक छनोट

गोरखा ।
गण्डकी प्रदेश भूमि व्यवस्था कृषि तथा सहकारी मन्त्रालयबाट जिल्लाभित्रका ६२ कृषकले अनुदान प्राप्त गर्ने भएका छन् । गत असोज १२ गते अनुदानका लागि निवदेन आह्वान गरेको मन्त्रालयले जिल्लाभित्र कृषि क्षेत्रमा व्यावसायिकरूपमा काम गर्दै आएका कृषकलाई अनुदानका लागि छनोट गरेका भेटेरेनरी अस्पताल तथा पशु सेवाविज्ञ केन्द्रका प्रमुख डा ब्रजकिशोर ठाकुरले जानकारी दिए ।

अनुदान छनोटमा परेकामध्ये नमूना कृषि फार्मतर्फ १३, फ्रेसहाउसतर्फ २२ र कषि यान्त्रिकीकरणतर्फ २७ रहेका उनले बताए । अनुदानका लागि छनोटमा परेका कृषकले निवेदनका क्रममा प्रस्ताव गरेका योजनाका आधारमा केन्द्रमार्फत मन्त्रालयले पठाएको ५० प्रतिशत अनुदान रकम उपलब्ध गराइने प्रमुख डा ठाकुरले जानकारी दिए ।

“केन्द्रले तीन चरणमा कृषकलाई अनुदान उपलब्ध गराउने गरी कार्यविधि निर्माण गरेको छ”, उनले भने, “पहिलो चरणमा ४० प्रतिशत र बाँकी दुई चरणमा ३०÷३० प्रतिशत अनुदान उपलब्ध गराउने व्यवस्था गरिएको छ ।” छनोटका क्रममा प्राविधिकहरु निवेदकको घरघरमा पुगेर पहिले सम्बन्धित क्षेत्रमा काम गरे÷नगरेको, गरेका भए कति गरेको, घाँसखेती भएको वा नभएको अथवा द्वन्द्वपीडित वा भूकम्पपीडित के हो भन्ने विषयलाई समेत प्राथामिकतामा राखेको उनको भनाइ छ ।

छनोटमा परेका कृषकसँग चैतभित्र सम्झौता गरी आउँदो असारसम्ममा कार्यक्रम सम्पन्न गर्ने उनले जानकारी दिए । रासस

© 2019, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

Bernhardt
सम्बन्धित खवर
टिप्पणिहरु
Loading...
Hotpop