www.tandavnews.com
Fact ~ In search of truth

तनहुँमा गाँजा नष्ट गर्दै प्रहरी

ताण्डव न्यूज । 

तनहुँको ब्यास नगरपालिका–७ जलादीगाउँमा प्रहरीले तीन सय बोट गाँजा नष्ट गरेको छ । बलबहादुर नेपाली र डिलकुमारी अधिकारीको जग्गामा उम्रिएका तीन सय बोट गाँजा प्रहरीले आइतबार नष्ट गरेको हो । लागुऔषध दुरुपयोग तथा अवैध ओसारपसार विरुद्धको अन्तर्राष्ट्रिय सप्ताहव्यापी कार्यक्रम सञ्चालन भइरहेको सन्दर्भमा स्थानीयवासीको सहभागितामा गाँजा नष्ट गरिएको जिल्ला प्रहरी कार्यालय तनहुँका प्रहरी नायब उपरीक्षक लीलाराज लामिछानेले जानकारी दिनुभयो ।

बारीमा उम्रिएको गाँजाका कारण युवाहरुको आवतजावत बढ्नसक्ने भएकाले स्थानीयवासीको सहयोगमा गाँजा फँडानी गरिएको प्रनाउ लामिछानेले बताउनुभयो । उहाँले भन्नुभयो, “लागुऔषध दुरुपयोग तथा अवैध ओसारपसार विरुद्धको अन्तर्राष्ट्रिय चलिरहेको सन्दर्भमा स्थानीयवासीलाई लागुऔषध विरुद्ध सचेतना जगाउँदै गाँजा फँडानी गर्ने कार्यक्रम सञ्चालन गरेका छौँ ।” गाउँघरमा स्थानीयवासीको बारीमा गाँजाका बोट उम्रिने गरेपछि स्थानीयवासीकै समन्वयमा प्रहरीले नष्ट गर्ने अभियान सञ्चालन गरेको छ ।

Lama collectio News Middle

स्थानीयवासीले आफूहरुले गाँजा नलागएको प्रष्ट पार्दै नष्ट गर्ने अभियानमा प्रहरीलाई साथ दिइरहेका छन् । प्रहरीले केही दिनअघि मात्रै भानु नगरपालिका–५ मैवलमा पनि गाँजाको बोट नष्ट गरेको थियो । कैदीबन्दीलाई लागुऔषध प्रशिक्षण जिल्ला प्रहरी कार्यालय तनहुँले कारागारमा रहेका कैदीबन्दीलाई आइतबार लागुऔषध विरुद्ध प्रशिक्षण दिएको छ । कारागारमा रहेका थुनुवा तथा कैदीहरुलाई लागुऔषध दुरुपयोग तथा अवैध ओसारपसार विरुद्धको अन्तर्राष्ट्रिय सप्ताहव्यापी कार्यक्रमअन्तर्गत लागुऔषधसम्बन्धी प्रशिक्षण दिइएको हो ।

प्रहरी निरीक्षक राजकुमार सुनार र न्यु डे फेलोसीपका पवन चुमी मगरले सहजीकरण गर्नुभएको प्रशिक्षणमा ९५ कैदीबन्दीको सहभागिता रहेको कारागारका निमित्त प्रमुख नारायण अधिकारीले जानकारी दिनुभयो । रासस

© 2019, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

Bernhardt
सम्बन्धित खवर
टिप्पणिहरु
Loading...
friends bakery