www.tandavnews.com
Fact ~ In search of truth

राप्रपा केन्द्रीय समितिको बैठक भदौ १० गते

काठमाडौं ।

Lama collectio News Middle

राष्ट्रिय प्रजातन्त्र पार्टी (संयुक्त) को केन्द्रीय कार्यसमितिको बैठक आगामी भदौ १० गते काठमाडौँमा हुने भएको छ ।

बैठकमा राजनीतिक, आर्थिक प्रतिवेदनका साथै भावी कार्यदिशाकाबारे छलफल गरिने पार्टीका महामन्त्री राजाराम श्रेष्ठले जानकारी दिए । आगामी दिनमा ७५३ स्थानीय तहमा सङ्गठनलाई कसरी प्रभावकारी बनाउन साधारणदेखि सक्रिय सदस्यलाई आवश्यक प्रशिक्षण सञ्चालन गर्ने पार्टीले जनाएको छ ।

पार्टीले समान विचार भएका अन्य पार्टीसँगको एकीकरणका साथै देशभर सङ्गठन सुदृढ बनाउने विषयलाई पनि बैठकमा छलफल हुने बताइएको छ ।यसैबीच कमल थापा नेतृत्वको राष्ट्रिय प्रजातन्त्र पार्टीले यस वर्षलाई सङ्गठन निर्माण वर्ष घोषणा गरेका कारण आगामी भदौ महीनामा ७७ जिल्लामा सैद्धान्तिक, वैचारिक विषयसँगै सङ्गठन निर्माण, समसामयिक राजनीतिक अवस्था र सूचना प्रविधिका विषयमा ‘प्रशिक्षक प्रशिक्षण’ कार्यक्रम सञ्चालन गर्ने भएको छ ।

पार्टीको प्रशिक्षण विभागले केन्द्रीय नेतालाई प्रशिक्षण उपलब्ध गराएपछि उनीहरुले स्थानीय तहका नेता तथा सङ्गठनका प्रतिनिधिलाई तालीम दिएर कार्यकर्तालाई स्थानीय पूर्वाधार विकास निर्माणका समस्या समाधानमा जनताप्रति थप जिम्मेवार बनाउने लक्ष्य राखेर विभिन्न राजनीतिक गतिविधि गर्न लागेको नेता देवेन्द्र प्रधानले जानकारी दिए । रासस

© 2019, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

Bernhardt
सम्बन्धित खवर
टिप्पणिहरु
Loading...
Hotpop