पोखरा, ताण्डव न्यूज
यस वर्षको प्रजातन्त्र सेनानी दयाशंकर पालिखे स्मृति पत्रकारिता सम्मान पत्रकार बवीता बस्नेतलाई प्रदान गरिने भएको छ । प्रतिभा छनोट समितिको सिफासिरमा नेपाल पत्रकार महासंघ कास्कीको बुधबार सम्पन्न कार्यसमिति बैठकले बस्नेतलाई पुरस्कार अर्पण गर्ने निर्णय गरेको हो ।
पुरस्कारको रासि एक लाख एक हजार १११ रुपैयाँ रहेको छ । अघिल्ला वर्षमा पुरस्कारको रासि ५५ हजार ५५५ रुपैयाँ रहेकोमा यस वर्ष त्यति नै रकम थप भएर एक लाख एक हजार १११ रुपैयाँ पुर्याइएको छ । प्रतिभा छनोट समितिमा अग्रज पत्रकार एवं महासंघका पूर्व अध्यक्ष रवीन्द्र बाँस्तोला संयोजक, पूर्व अध्यक्ष रामकृष्ण ज्ञवाली, केन्द्रीय सदस्य त्रिभुवन पौडेल, महासंघका अध्यक्ष विमला भण्डारी र कार्यवाहक सचिव श्रीराम सिग्देल सदस्य रहेका थिए ।
नेपाल पत्रकार महासंघ कास्कीद्धारा संचालित प्रजातन्त्र सेनानी दयाशंकर पालिखेको स्मृतिमा परिवारजनद्धारा स्थापित यो २२ औं पुरस्कार हो । यो पुरस्कार पहिलोपटक महिला पत्रकारले प्राप्त गर्दैछन् । बस्नेत हाल घटना विचारका सम्पादक हुन् ।
© 2021, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.