www.tandavnews.com
Fact ~ In search of truth

३ दिनको मौसम जानकारीः एकदुई ठाउँमा हल्का हिमपात हुने, प्रदुषण नघट्ने

hima aus

पोखरा, ताण्डव न्यूज

अबको तीन दिन उच्च पहाडी तथा हिमाली भेगका एकदुई ठाउँमा हल्का हिमपात हुने मौसमविद्ले बताएका छन् । तत्काल पानी पार्ने कुनै प्रणाली नभएपनि स्थानीय वायुको प्रभावले उच्च पहाडी तथा हिमाली भेगका एकदुई ठाउँमा हल्का हिमपात हुने मौसम पूर्वानुमान महाशाखाले जनाएको छ ।

classic tech

महाशाखाका मौसमविद् गंगा नगरकोटीका अनुसार आज दिउँसो देशको पहाडी भूभागहरुमा आंशिकदेखि सामान्य बदली रही बाँकी भूभागमा मौसम सामान्यतया सफा रहने छ। प्रदेश १, बागमती र गण्डकी प्रदेशको उच्च पहाडी तथा हिमाली भूभागहरुका एकदुई स्थानहरुमा हल्का हिमपातको सम्भावना रहेको उनले बताए ।

यस्तै राति प्रदेश १, बागमती र गण्डकी प्रदेशको पहाडी भूभागहरुमा आंशिक बदली रही बाँकी भूभागमा मौसम सामान्यतया सफा रहने छ। प्रदेश १, बागमती र गण्डकी प्रदेशको उच्च पहाडी तथा हिमाली भूभागहरुका एकदुई स्थानहरुमा हल्का हिमपातको सम्भावना रहेको छ। यसैबीच चिसो बढेसँगै तुवाँलो लाग्दा मौसम पूर्ण रुपमा खुल्न नसक्ने मौसमविद्ले बताएका छन् । तत्काल पानी पार्ने वा तिब्र गतिको हावा चल्ने प्रणाली नभएकाले प्रदुषण तत्काल घट्ने सम्भावना नभएको मौसमविद् गंगा नगरकोटीको भनाइ छ ।

© 2021, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

सम्बन्धित खवर
टिप्पणिहरु
Loading...