पोखरा, ताण्डव न्यूज
नेपाली टोली यू १२ को पूर्व फुटबल खेलाडी मनिप क्षेत्रीलाई गैर आवासीय संघ (एनआरएन) पोर्चुगलका पूर्व उपाध्यक्ष तथा युवा व्यवसायी कमलमान गुरुङसहितको टोलीले आर्थिक सहयोग गरेको छ । प्रशिक्षणको क्रममा घाईते भएका पोखरा महानगरपालिका ५ का क्षेत्रीलाई व्यवसायी गुरुङलगायत पूर्व खेलाडी तथा समाजसेवीहरुले संयुक्त रुपमा २५ हजार रुपैयाँ सहयोग गरेको हो ।
घाईते क्षेत्रीको उपचारका लागि व्यवसायी कमलमान गुरुङ, पूर्व राष्ट्रिय फुटबल खेलाडी तथा स्पोर्टस् क्यासलका संचालक ईश्वर गुरुङ, विटी क्लबका अध्यक्ष विजया गुरुङ, समाजसेवी राधा गुरुङ र अमित गुरुङ ‘जोन’ ले सहयोग प्रदान गरे । सो सहयोग रकम ग्रहण गर्दै फुटबलर क्षेत्रीले खुट्टाको उपचारका लागि पर्याप्त हुने बताए । यस्तो भएको पोहोर हो, उनले भने, ‘मेरो एसीएल, एसीएल र लेगामेन्ट टियर भएको छ, आज पद्म नर्सिङ होममा एमआर आई गर्ने हो । सुधार आउँला जोडिन्छ भन्नुभाथ्यो डक्टरले । जे होस् र्दाइहरुको सहयोगले मज्जाले खर्च पुग्छ । गुरु र दाईहरुप्रति आभारी छु ।’
उनले यसअघि उपचारका लागि अन्य व्यक्तिहरुलाई समेत गुहारेको बताउँदै कसैले सहयोग नगरेको गुनासो गरेका थिए । क्षेत्रीले जापानमा सम्पन्न प्रतियोगितामा नेपाली यू १२ को फुटबल टोलीमा रहेर खेलिसकेका छन् ।
© 2021, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.