www.tandavnews.com
Fact ~ In search of truth
Mulberry

म्याग्दीका पर्यटकीय क्षेत्र र धार्मिकस्थलमा खचाखच पर्यटक

hima aus

गलेश्वर।
विगत दुई वर्षदेखि कोरोना महामारीका कारण सुस्ताएको पर्यटन र होटल व्यवसाय पुरानै लयमा फर्किन सुरु गरेको छ । वसन्त ऋतुको सुरुआतसँगै म्याग्दीका पर्यटकीय क्षेत्र आन्तरिक पर्यटकले खचाखच भरिन थालेका छन् भने मन्दिर, देवालय र शक्तिपीठमा भक्तजनको घुइँचो लाग्न थालेको छ ।

दुई वर्षसम्म पर्यटक र तीर्थयात्रीविहीन बनेका यहाँका पर्यटकीय तथा धार्मिकस्थलमा फागुन दोस्रो सातायता दुई वर्षयताकै धेरै पर्यटक आएका पर्यटन व्यवसायीहरुले बताएका छन् । स्थलमार्गबाट मुस्ताङ जाने पर्यटकका लागि बेनी प्रवेशद्वारसमेत भएको हुनाले मुस्ताङ जाने र बागलुङ कालिका तथा पञ्चकोटमा आएका पर्यटक पनि म्याग्दीका पर्यटकीयस्थल हेर्न आउने क्रम बढेकाले म्याग्दीका आन्तरिक पर्यटक तथा धार्मिक पर्यटकको भीड बढेको हो ।

मुक्तिनाथ भ्रमण ढोरपाटन भ्रमण र बागलुङ कालिका मन्दिरको दर्शनका लागि आएका भक्तजन एक दिनको बसाइ लम्ब्याएर बेनीसम्म आई यहाँका पर्यटकीय र धार्मिकस्थलमा रमाउन थालेपछि विगतका वर्षभन्दा यस वर्षको फागुन र चैतमा आन्तरिक पर्यटकको सङ्ख्या उल्लेख्य देखिएको हो ।

Batas

नवलपुरको गैडाकोट–१२ हर्कपुरबाट पाँच दिनको भ्रमण समय छुट्याएर मुक्तिनाथ पुगेपछि म्याग्दीको तातोपानी, गलेश्वर धाम र बेनी बजार भ्रमण तथा दर्शनका लागि एक दिन छुट्याएर म्याग्दीमा बसेको मनोहर सुवेदीले बताए ।

classic tech

हर्कपुरबाट २१ जनाको टोलीसहित मुक्तिनाथ, म्याग्दी र बागलुङ भ्रमणमा आउनुभएकी लक्ष्मी पौडेल र चितवन भरपुरको क्षेत्रपुरबाट १८ जनाको टोलीसहित गलेश्वर दर्शनका लागि आउनुभएकी बिमला बरालले होटलमा बस्ने बाससमेत पाउन मुस्किल भएको बताए । उनले सामाजिक सञ्जालमा देखेको मुक्तिनाथ र गलेश्वरको मन्दिर, रुप्से झरना, तातोपानी कुण्ड, बागलुङ भगवती मन्दिर, लामो पुल, पञ्चकोटलगायत स्थानले आफूलाई यस क्षेत्रको भ्रमणमा आउन प्रेरित गरेको बरालले बताए।

भरतुपर महानगरपालिका–२ क्षेत्रपुर चितवनको मितेरी आमा समूह, चितवनकै बीस हजारी सामाजिक उद्यमी महिला सहकारी संस्था लिमिटेड र धादिङ जिल्लाको श्री विशाल आमा बचत तथा ऋण सहकारी संस्था लगायतका संस्था बस लिएरै म्याग्दी, बागलुङ र मुस्ताङको भ्रमणमा आएका छन् । यस्ता सामाजिक तथा सङ्घसंस्था दैनिक सयौँको सङ्ख्यामा म्याग्दीमा आउन थालेका छन् । अहिले गलेश्वर, तातोपानी र हरियाली कृषि परियोजना परिसरमा पर्यटक बोकेका सवारीसाधनको चाप थेगिनसक्नु छ ।

त्यसैगरी बागलुङको ऐतिहासिक चैत्राष्टमी मेलाको पूर्वसन्ध्यामा गण्डकी प्रदेशको उत्कृष्ट धार्मिक गन्तव्य बागलुङ कालिका, पञ्चकोट, शालग्राम सङ्ग्रहालय र लामो झोलुङ्गे पुलमा आएका पर्यटक बेनी र बेनी नजिकका धार्मिक पर्यटकीयस्थलमा आएपछि यहाँका पर्यटकीय क्षेत्रमा पर्यटकको चाप बढेको होटल यतिकी सञ्चालिका बिमला गौचनले बताउनुभयो । चैते दसँै सुरु भएको र मुस्ताङको मुक्तिनाथ जाने भारतीय पर्यटकसमेत मुक्तिनाथपछिको दोस्रो गन्तव्य बेनीलाई मानेर यहाँ आउने गरेकाले रौनक बढेको उनले बताए ।

चैत दोस्रो सातादेखि म्याग्दीका अधिकांश ठूला होटल भरिभराउ भएको होटल व्यवसायी सङ्घ म्याग्दीका अध्यक्ष बाबुराम आचार्यले जानकारी दिए । पहिला नेपाली र भारतीय पर्यटकको रोजाइ बनेको मुक्तिनाथ मन्दिर सोझै गएर फर्कने चलन थियो, तर पछिल्ला वर्षमा मुक्तिनाथ पुगेका पर्यटक बेनी, बागलुङ कालिका र पञ्चकोटमा समेत पुग्ने गरेकाले यस क्षेत्रको पर्यटकीय विकासमा थप सहयोग पुगेको पर्यटन व्यवसायीहरुले बताएका छन् ।
रासस

© 2022, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

सम्बन्धित खवर
टिप्पणिहरु
Loading...