पोखरा।
वर्षमा दुइपटक वडाभरिका महिलाहरुको पाठेघरको मुखको क्यान्सरबारे निशुल्क चेकजाँच गर्ने नीति अनुसार पोखरा १३ का ४०० महिलाहरुले शिविरबाट लाभ लिएका छन । वडाध्यक्ष किरण बरालले आफ्नो चुनावी नीति अनुसार सम्पूर्ण महिलाहरुको लागि संवेदनशील रोगको बारेमा सचेतना फैलाउन तथा रोगको जाँच सहित उपचारको लागि सहजता प्रदान गर्न यो शिविर राखिएको बताए ।
शनिबार बिहान ८ देखि दिउँसो ३ बजेसम्म चलेको शिविरमा चारसय जना आमा, दिदीबहिनीले चेकजाँच गराएको उनले बताए । पाठेघरको मुखको क्यान्सर चेकजाँचको लागि आवश्यक दक्ष कर्मचारी तथा उपकरणको वडाले नै व्यवस्थापन गरेको थियो । स्वस्थ वडा बनाउने लक्ष्यमा यसले सानो भएतापनि सहयोग पु¥याउने वडाध्यक्ष बरालले बताए ।
महिलाको मात्रै नभई यो वडाले अघिल्लो महिनादेखि तालिका नै बनाएर सेवाग्राहीको निशुल्क चेकजाँचको व्यवस्था पनि गरेको छ ।
अध्यक्ष बरालका अनुसार फास्टिङ ब्लड सुगर (एफबीएस) प्रत्येक हप्ताको बुधबार ८ बजे जाँच हुनेछ भने, पीपीबीएस खाना खाएको दुई घण्टापछि १० देखि ५ बजेसम्म जाँच हुनेछ ।
¥यान्डम ब्लड सुगर (आरबीएस) हरेक दिन १० देखि ५ बजेसम्म जाँच हुनेछ । ब्लड सुगरबाहेक वडाले हेमोग्लोबिन, ब्लड ग्रुप, युरिक एसिड, एचसीभी, भीडीआरएल, युरिन लगायत परीक्षण गर्ने गरेको छ । यसबाहेक वडामा आउने सेवाग्राहीलाई निःशुल्क स्यानिटरी प्याडको व्यवस्था समेत गरिएको उनले जानकारी दिए ।
© 2022, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.