www.tandavnews.com
Fact ~ In search of truth
Mulberry

पोखराको ट्राफिक जाम हटाउन कानुनमन्त्री चुमानको निर्देशन

hima aus

पोखरा

आन्तरीक मामीला तथा कानुनमन्त्री हरिबहादुर चुमानले पोखराको ट्राफिक जाम हटाउने योजना ल्याउन सुरक्षा निकायलाई निर्देशन दिएका छन् ।

बुधबार पोखरामा कास्की जिल्लामा रहेका बिभिन्न प्रहरी प्रमुख तथा प्रदेश प्रमुख सहितको सुरक्षा ब्रिफिङमा मन्त्री चुमानले तत्काल जनताले राहत महसुश गर्ने खालका सुरक्षा योजना ल्याउन सुरक्षा निकायलाई र्निदेशन दिएका हुन । पोखरामा अहिले बढी रहेको ट्राफिक जामलाई कम गर्ने आवस्यक पर्ने निति अबलम्वन गर्न मन्त्रालय तयार रहेको स्पष्ट पार्दे उनले सो सम्बन्धी काम सुरु गर्ने भनेका हुन ।

Batas

मन्त्री चुमानले अहिले केन्द्र र प्रदेश सरकार सञ्चालनको बीचमा रहेको संक्रमणकालिन समयको सकारात्मक प्रयोग गरी परिणाम निकाल्न तिर सबैको ध्यान जान आवस्यक रहेको बताए । ‘अन्यौलता छ भनेर आराम गर्ने होईन, प्रदेशलाई गति दिने र जनचाहना अनुसारको परिणाम निकाल्न तिर ध्यान दिनुपर्छ,’ उलने भने, ‘संघीयता कार्यान्वयन अहिलेको मुख्य बिषय भएकाले प्रहरी पनि अहिलेको प्रचलित नति र कानुन अनुसार परिमार्जन हुन आवश्यक छ ।’

classic tech

प्रदेश नं ४ का प्रहरी प्रमुख कमल सिंह बमले प्रदेश ४ मा करिव ५ हजार प्रहरी अभाव हुने बताए । अहिलेको अवस्थामा पनि करिब १ हजार प्रहरी दरबन्दी भन्दा कम भएको भन्दै उनले संघीयताको मागको सिद्धान्त अनुसार ५ हजार प्रहरी बिभिन्न दर्जामा भर्ना गर्न आवस्यक रहेको प्रतिवेदन पेश गरेका थिए । प्रदेश ४ अपराध अनुसन्धानका लागि त्यति जोखिम प्रदेश नभएपनि अन्य जिल्लाको तुलानामा कास्कीमा अत्याधिक अपराधका घटना हुने बमले जानकारी दिए ।

२० लाख ९२ हजार १ सय ५३ जनसंख्या रहेको ४ नम्बर प्रदेशमा हाल ६ हजार २ सय ९५ प्रहरीको दरबन्दी छ । कार्यरत प्रहरीको संख्या ५ हजार ४ सय २८ छ । अब ११ हजारको संख्यामा प्रहरी दरबन्दी पु¥याउन आवश्यक रहेको प्रहरीको प्रतिवेदनमा उल्लेख गरिएको छ ।

प्रहरीको अपराध अनुसन्धानका लागि आवस्यक प्रविधिको अभाव, प्रहरी चौकी समेत नहुनु जस्ता कुराले प्रदेश प्रहरीले सोचेजस्तो हाँैसला नपाएको भन्दै त्यस तर्फ ध्यान दिन प्रहरीले अनुरोध गरेको छ । हाल १ सय ९ प्रहरी ईकाइहरु भाँडामा बस्दै आएको बताईएको छ । त्यसैगरि सवारी साधनकोे पनि अभाव रहेको सो अवसरमा जानकारी गराईयो ।

© 2018, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

सम्बन्धित खवर
टिप्पणिहरु
Loading...