पोखरा
ताण्डव संवाददाता ।
विजयपुरमा बम राख्नेहरुको पहिचान खुलेको छ । बम राखेर भागेका ब्यक्तिहरु सिसि क्यामरामा कैद भएका थिए ।
मोटरसाइकलमा आएर झोलासहित बम राखेर उनिहरु भागेका थिए । ‘हामीले सिसि क्यामराको माध्यमबाट बम राख्नेहरुको अनुहार प्रस्ट चिनेका छौं’ जिल्ला प्रहरी कार्यालय कास्कीका प्रमुख एवं एसपी अशोक सिंहले भने ‘उनिहरुलाई छिट्टै पक्रनेछौं ।’
![Batas](https://www.tandavnews.com/wp-content/uploads/2022/04/Batas.jpg)
विप्लव नेतृत्वको नेकपाले मंगलबार आयोजना गरेको नेपाल बन्दकै दिन पोखराको विजयपुरमा बम विस्फोट भएको थियो ।
विस्फोटमा परी गण्डकी टेलिभिजनका संवाददाता घनश्याम पाण्डेय र जिल्ला प्रहरी कार्यालय कास्कीका जवान तुल बहादुर खत्री घाइते भएका छन् । दुवैको घाँटीमा चोट लागेको छ ।घाइतेलाई उपचारको लागि गण्डकी मेडिकल कलेज लगिएको प्रहरी कार्यालय कास्कीका एसपी अशोक सिंहले ताण्डव न्यूजलाई बताए ।
विजयपुर पुल छेउमा शंकास्पद वस्तु देखिएपछि प्रहरी घटनास्थल पुगेको थियो । प्रहरीले सेनाको डिस्पोजल टोलीलाई खबर गरेपनि टोली घटनास्थल पुग्नुअघि नै बम विस्फोट भएको हो ।
![](http://www.tandavnews.com/wp-content/uploads/2018/02/ghansyam.jpg)
© 2018, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.