अर्जुन गिरी
पोखरा, ताण्डव न्यूज ।
अवैध रुपमा वन्यजन्तुको आखेटोपहार खरिद बिक्री तथा ओसारपसार गरको आरोपमा केन्द्रीय अनुसन्धान व्यूरो (सिआइबी)बाट खटिएको प्रहरी टोलीले पोखरा–२४ का ४५ वर्षीय सालिक राम सुवेदीसहित २ जनालाई पक्राउ गरेको छ ।
विशेष सूचनाको आधारमा सिआइबीको टोलीले विहिबार कास्कीका सुवेदीसहित दुई जनालाई पक्राउ गरिएको ब्यूरोका प्रवक्ता एवं प्रहरी उपरीक्षक सानुराम भट्टराईले ताण्डव न्यूजसँग बताए ।
‘काठमाडौ–६ बौद्ध सिद्धार्थमार्गबाट उनीहरुलाई पक्राउ गरिएको हो,’ उनले भने, ‘अवैध रुपमा संरक्षित वन्यजन्तुको छाला(आखेटोपहार) खरिद विक्री गर्न ल्याएको बेला पक्राउ गरिएको हो ।’
उनीहरुको साथबाट संरक्षित वन्यजन्तु ध्वाँसे चितुवाको छाला १ थान बरामद गरि आवश्यक कारवाहीको लागि डिभिजन वन कार्यालय काठमाण्डाै पठाइएको छ ।
सुबेदीसहित पक्राउ पर्नेमा सिन्धुपाल्चोक चौतारा नगरपालिका–१ का ५५ वर्षीय शेल बहादुर तामाङ, धादिङ बेनिघाट रोराङग–१ वस्ने ३४ वर्षीय बुद्धिमान तामाङ छन् ।
© 2018, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.