www.tandavnews.com
Fact ~ In search of truth

दुहार कस्यार घाट टेण्डर बदर गर्न माग

पोखरा
ताण्डव न्यूज ।

पोखरा महानगरापालिका–२१ मा रहेको दुहार कस्यार घाटमा ढुङ्गा, बालुवा निकासीमा टेण्डर बदर गराउन स्थानीयले माग राखेका छन् । वडा कार्यालय र स्थानीयलाई जानकारी नगराई एक्कासी घाट टेण्डरमा दिएपछि समाज सुधार आमा समूहले पत्रकार सम्मेलनको आयोजना गरी तुरुन्तै टेण्डर बदर गर्न आग्रह गरेका हुन् ।

यस अघि २०७१/७२ मा पनि घाट संचालन गर्दा जनताले ठूलो क्षती व्यहोर्नु परेको समाज सुधार आमा समूहकी अध्यक्ष रमादेवी आचार्यले बताइन् । ‘घाट रोकेपछि क्षती हुन छाडेको छ,’ उनले भने, ‘पैसा आउने नाममा महानगरपालिकाले जनतालाई असर गर्ने काम गर्न हुँदैन ।’

वातावरण मूल्याङकन राम्रोसँग नगरी स्थानीयलाई थाहै नहुने गरि घाट ठेक्कामा दिएको उनले सुनाईन् । ‘महागरपालिकाले हामीलाई मात्र होइन वडा कार्यालयमा समेत जानकारी नगराई साउन १५ गते कसैलाई थाहा नहुने गरि बोलपत्र खुलाई सिम्रन कन्ट्रक्सनलाई ३ करोड ७ लाखमा घाटको टेण्डर दिएको हो ।’

Lama collectio News Middle

घाट खुलेकै कारण पहिलो गएर जोखिम बढेपछि विगतमा एक परिवार विस्तापित हुनु परेको उनले बताइन् । ‘जोखिम भएपछि सावित्री गिरीको परिवार विस्तापित भए, थ्रि ऐन्जल, आमा समूहको भवनको जग्गा लगायतका संघ संस्थाको जग्गा खोलामा खसेको छ ।’

टेण्डरको विषयमा आफूलाई पनि महानगरपालिकाले केही समन्वय नगरेको पोखरा–२१ का अडाध्यक्ष खगराज आचार्यले बताए । ‘मैले पटक–पटक चेक ड्याम बनाउ भनेको छु,’ उनले भने, ‘दोविल्ला र दुहारमा चेक ड्याम बनाउनु पर्छ ।’

जहाँसम्म दुहार कस्यार घाटको कुरा छ, महानगरपालिकाले मसँग कुनै कुरा नगरी दिएको हो । एक पटक वातावरण प्रभाव मुल्याङकन ल्याएको थियो तर मलाई चित्त बुझेन मैले हुँदैन भनेको थिए ।’ घाटको अवस्था र त्यो खो लाको असरबाट राम्रोसँग अध्यय गर्नु पर्ने अध्यक्ष आचार्यको भनाई छ ।

यस विषयमा स्थानीयको कुरा सम्बोधन गर्दै अघि बढ्ने पोखरा महानगरपालिकाका प्रवक्ता धनबहादुर नेपालीले बताए । ‘घाट संचालन गर्दा केही ठाँउमा पहिरोको अति जोखिम देखिएको छ,’ उनले भने, ‘त्यो समस्यालाई समाधान गर्दै स्थानीयसँग छलफल गरेर अघि बढ्छौं ।’

© 2018, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

Bernhardt
सम्बन्धित खवर
टिप्पणिहरु
Loading...
Hotpop