पोखरा
ताण्डव न्युज ।
शाारिरीक रुपमा अशक्त रहेका पोखरा भलाका ५४ वर्षका चेत बहादुर गुरुङलाई मानव मिलन नारी जागरण नेपाल पोखराले सहयोग गरेको छ । वाल्यकाल देखि नै शारीरिक रुपमा अशक्त रहेका गुरुङले हातको सीपले बुन्ने डोको, नाम्लो, लगायत बाँस, निगालोबाट बुन्ने सामाग्री विक्रि गर्न सहज होस भनेर जागरण नेपालले फलाम र जस्तापाताको ट्रस्ट निर्माण गरिदिएको हो ।
आफु हिँडडुल गर्न नसकेपनि चेतबहादुरले हातको सहयोगले बाँस, निगालोको चोया काडेर विभिन्न सामाग्रीहरु बनाउँदै आइरहेका छन् । अहिले सम्म उनले आफ्नै घरबाट यस्ता सामाग्रीहरु गाउँलेहरुका लागि बनाइदिँदै आएका छन् । मानव मिलन नारी जागरण नेपाल पोखराले भने आयआर्जनको लागि अस्थायी ट्रस्ट नै निर्माण गरेर ब्यापार गर्न सहयोग गरिदिएको हो । ट्रस्ट पाएपछि चेतबहादुरले खुसी हुँदै भने, ‘अहिले सम्म तल घरमै यस्ता सामाग्रीहरु बनाउँदै आइरहेको थिएँ । धेरैले थाहै पाउँदैनथे । अब त बाटोमै भयो । गाउँले बाहेक बाटो हिन्नले पनि मेरो सामान किन्छ होला । दुई पैसा भनेनी कमाउँछु ।’ उनले खुसी हुँदै मानव मिलन नारी जागरण नेपाल पोखरालाई सहयोगको लागि धन्यावाद पनि थिए ।
संस्थाकी अध्यक्ष सविता बरालको अध्यक्षतामा भएको कार्यक्रममा प्रमुख अतिथि तथा चेतबहादुरलाई ट्रस्ट निर्माण गरिदिन सहयोग गर्ने संस्थाकी सल्लाहाकार समेत रहेकी समाजसेवी सरस्वती गुरुङले चेतबहादुरको आयआर्जनमा परिवर्तन ल्याउननै सहयोग गरेको बताईन । ‘समाजमा आफ्नो लागि बाँच्नेको मरण हुन्छ र अरुको लागि पनि बाँच्नेको स्मरण हुन्छ,’ गुरुङले भनिन्, ‘चेतबहादुर दाई हिँडडुल गर्न नसकेर के भो । उहाँसँग सीप छ अब उहाँको सीप विक्रिका लागि ठाउँ बनेको छ ।’
संस्थाकी अध्यक्ष बरालले अहिलेको सहयोगले चेतबहादुर दाई समाजमा उदाहरणीय ब्यक्तित्व बन्ने विश्वास ब्यक्त गरिन । त्यस्तै प्रभा गौतमले यसखाले सहयोगले चेतबहादुर गुरुङको दैनिकीमा परिवर्तन आउने विश्वास ब्यक्त गरिन । संस्थाकी कमला गिरीले महिलाहरु मिलेर समाज परिवर्तन गर्न ब्यक्तिगत खर्चमा यस्तो सहयोग गर्दै आएको बताईन ।
उक्त ब्यापारिक प्रयोजनको लागि बनेको ट्रस्ट हस्तान्तरण कार्यक्रममा मानव मिलन नारी जागरण नेपाल पोखराका पदाधिकारीहरुको सहभागिता रहेको थियो ।
© 2019, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.