पाेखरा,
ताण्डव न्यूज ।
अन्तर्राष्ट्रिय पर्वतीय चलचित्र महोत्सव (किम्फ) का लागि ३२ वटा चलचित्र छनोट भएका छन् । छनाेटमा अन्तर्राष्ट्रिय पानोरमातर्फ १५ देशका १८, नेपाली पानोरमाका लागि १४ चलचित्र छानिएका छन् ।
नेपाली पानोरमातर्फ सजल लोप्चानको अ नेपाली सर्ट फिल्म गाइड फर फिल्म फेस्टिभल (२१ मि.), डायमण्ड उप्रेतीको अ पेपर प्लेन (१४ मि.), राजन कठेतको बार ट्रिज इन दि मिस्ट (१५ मि.), गणेश पाण्डेयको सिभिल सोल्जर्स (२५ मि.) र सोनाम शर्माको मिसन एभरेस्ट–दि लिजेन्ड अफ शेर्पा जाङ्बु (३१ मि.) प्रतियोगी चलचित्रको रुपमा प्रदर्शन हुँदैछन् ।
यस्तै, गणेश रावलको समस्या (२२ मि.), आशुका अर्यालको संकुल (दि कन्फ्युजन १३ मि.), सोनाम चौकी लामाको दि स्नो लियोपार्ड कलिङ (९ मि.), अंकित पौडेलको सङ अफ क्लाउड्स (१५ मि.), आशिष लिम्बु/डेविन राईको दि विन्टर ट्याप (११ मि.) र सिकुमा राईको अरक चाना बानाओ सीम्मा (२६ मि.) पनि प्रतिस्पर्धामा छन् ।
नोवेल कोरोना भाइरस (कोभिड–१९) महामारीका कारण किम्फको १८ औं संस्करण पहिलो पटक भर्चुअल माध्यमबाट हुनेछ । २५ मंसिरदेखि सुरु हुने पाँच दिने महोत्सवका सबै चलचित्र अनलाइनमा हेर्न सकिन्छ ।
© 2020, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.