ताण्डव
गण्डकी प्रदेश प्रमुख पृथ्वीमान गुरुङद्धारा संविधान दिवसको असरमा प्रदेशबासी, स्वदेश तथा विदेशमा रहेका सम्पूर्ण नेपाली दिदीबहिनी तथा दाजुभाइहरुमा शुभकामना व्यक्त गरेका छन् ।
प्रदेश प्रमुख गुरुङले सातांै संविधान दिवसको अवसरमा आज एक शुभकामना सन्देश जारी गर्दै वर्तमान संविधानले सामन्ती, निरंकुश र केन्द्रीकृत राज्य व्यवस्थाद्वारा सिर्जित सबै प्रकारका विभेद र उत्पीडनको अन्त्य गर्दै जातीय, भाषिक, धार्मिक, सांस्कृतिक तथा भौगोलिक विविधतायुक्त नेपाली समाजलाई बृहत् राष्ट्रिय एकताको सूत्रमा आबद्ध गरेको उल्लेख गरे । उनले यस संविधान अन्तर्गत नेपालको राष्ट्रिय सार्वभौमसत्ता नेपाली जनतामा निहीत भएको छ र जनता राज्यशक्तिको स्रोत भएको बताए ।
प्रमुख गुरुङले यतिबेला मुलुक, नयाँ संविधानले मार्गनिर्देश गरेका अभिभाराहरूलाई आत्मसाथ गर्दै समृद्ध राष्ट्र निर्माण गर्ने दिशामा अगाडि बढेको छ भन्दै संविधान बमोजिम संघ, प्रदेश र स्थानीय तहका व्यवस्थापिका तथा सरकारहरू आ–आफ्नो संवैधानिक कार्यभारहरू पूरा गर्न क्रियाशिल भएको बताए ।
प्रदेश प्रमुख गुरुङले विश्वव्यापी महामारीका रुपमा फैलिरहेको कोरोना भाइरस विरुद्धको लडाइमा पूर्ण सफलता प्राप्त गर्न आजको दिनले प्रेरणा प्रदान गरोस भन्दै गुरुङले संविधानको मर्म र भावनालाई व्यवहारमा रूपान्तरण गर्न मन, वचन र कर्मले समर्पित भई आ–आफ्नो तर्फबाट इमान्दार प्रयास जारी राख्न प्रदेशका सम्पूर्ण राजनीतिक दलहरु र दिदीबहिनी, दाजुभाईहरु सबैमा अपिल समेत गरेका छन् ।
© 2021, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.