काठमाडैँ ।
निर्वाचन आयोगले जारी गरेको सूचनामा देशभरबाट स्थानीय निर्वाचनमा भाग लिने मनदाताको सङ्ख्या पनि सार्वजनिक गरेको छ ।
आयोगले जारी गरेको सूचनामा २१ हजार ९ सय ५५ मतदान केन्द्र र १० हजार ७ सय ५६ मतदान स्थल तोकिएको छ ।
आयोगले जारी गरेको सूचनामा ७ वटै प्रदेशमा १ करोड ७७ लाख ३३ हजार ७ सय २३ मतदाता सङ्ख्या रहेको छ ।
जसमा महिला मतदाता सङ्ख्या ८७ लाख ४१ हजार ५ सय ३० र पुरुष मतदाता सङ्ख्या ८९ लाख ९२ हजार १० रहेको आयोगले जनाएको छ ।
यसैगरी, प्रदेश १ मा कुल मतदाता सङ्ख्या ३३ लाख ४७ हजार ३ सय ८४, मतदान स्थल १ हजार ८ सय ७७ तथा मतदान केन्द्र सङ्ख्या ४ हजार ५१ रहेको निर्वाचन आयोगले जनाएको छ ।
मधेस प्रदेशमा कुल मतदाता सङ्ख्या ३३ लाख ३१ हजार १ सय ७०, मतदान स्थल सङ्ख्या २ हजार १ सय ६३, मतदान केन्द्र सङ्ख्या ४ हजार १ सय ८९ रहेको छ ।
बागमती प्रदेशमा कुल मतदाता सङ्ख्या ३४ लाख १२ हजार ८ सय ६९, मतदान स्थल १ हजार ७ सय ९२, मतदान केन्द्र ४ हजार ९५ रहेको छ ।
गण्डकी प्रदेशमा कुल मतदाता सङ्ख्या १७ लाख ८९ हजार ४ हजार ११, मतदान स्थल सङ्ख्या १ हजार २ सय ५३ र मतदान केन्द्र सङ्ख्या २ हजार ३ सय रहेको छ ।
लुम्बिनी प्रदेशमा कुल मतदाता सङ्ख्या ३२ लाख १९ हजार ४ सय ५७, मतदान स्थल सङ्ख्या १ हजार ६ सय २९, मतदान केन्द्र सङ्ख्या ३ हजार ८ सय ३२ रहेको निर्वाचन अयोगले जनाएको छ ।
यसैगरी कर्णाली प्रदेशमा १० लाख १ हजार २ सय ८२ मतदाता सङ्ख्या, ९ सय ७ मतदान स्थल र १ हजार ३ सय ८५ मतदान केन्द्र तोकिएको छ ।
सुदूर पश्चिम प्रदेशमा १६ लाख ३२ हजार १ सय ५० मतदाता सङ्ख्या, १ हजार १ सय ३५ मतदान स्थल र २ हजार १ सय ३ मतदान केन्द्र तोकिएको निर्वाचन आयोगले जनाएको छ ।
रासस
© 2022, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.