www.tandavnews.com
Fact ~ In search of truth

पाँच गायिकाले एकै स्वरमा भने, ‘छम छम नाचिन्छ’

पाेखरा,

पोखरामा रहेर संगीत क्षेत्रमा निरन्तर लागि परेका पाँच गायिकाहरु लक्ष्मी गिरी, सुकु हिराचन, जुना क्षेत्री, पिङ्गाला भट्ट, तारा थापाको संयुक्त तीज गीत ‘छम छम नाचिन्छ’ को पोखरामा सार्वजानिक गरिएको छ ।

सप्तरङगी सांस्कृतिक प्रतिष्ठान नेपालद्वारा आयोजित तिज गीत बिमोचन कार्यक्रममा गण्डकी प्रदेशकी उपसभामुख सृजना शर्माले गीतलेनै समाज परिवर्तनमा टेवा पु¥याउने हुँदा यस्तै सामाजिक जनचेतनामूलक गीत सार्वजनिक हुनुपर्नेमा जोड दिइन् ।

Batas
madi
machhapuchre

‘मलाई गाउन नाच्न आउदैन तर म गीत संगीत सुन्ने राम्रो स्रोता हुँ,’ उनले भनिन्, ‘विस्तारै तीजको रौनकले छोएको महशुस भयो ।’ तीज पर्वलाई विकृतीको रुपमा नभई संस्कृतिकै रुपमा मनाउनु पर्ने उनको भनाई थियो ।

गीतमा शब्द संगीत र  निर्देशन  जय कुमार परियारको रहेको छ । शम्भु चालिसेकोको छांयाकन रहेकाे गीतमा  रविन विकले सम्पादन गरेका छन् । भिडियो निर्देशक परियारले भन्छन्, ‘अहिलेका कतिपय कलाकारहरु हिजो गाउँघरमा सुनेका रत्यौली गीतलाई सुनेर त्यस्तै लय गरि तीज गीत रेर्कडिङ गर्छन र सार्वजनिक गरिरहेका हुन्छन ,अनि हामीले तिनै गीतसंगीत मन पराई रहेका हुन्छौ ।’

गायिका सुकु हिराचनले तीजलाई तीज जस्तै बनाउने चाहनाअनुरुपनै यो गीत रेर्कड भएको बताइन । सबै महिलाहरुको आवाज र महिलाहरुकै सामुहिक नृत्य भएको हुँदा पनि गीतलाई सबैले मन पराउने उनको अपेक्षा छ ।

© 2018, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

classic tech
You might also like

Comments are closed.