www.tandavnews.com
Fact ~ In search of truth

लकडाउनको मेसोमा विज्ञताहिन कार्यकर्ताहरुको आयोग

– बिन्दु कुमार थापा

नेपालीमा एउटा उखान छ “काम कुरो एकातिर कुम्लो बोकी ठिमि तिर” । सरकार अनियमितता, भ्रष्टाचार गर्न र तीनलाई संरक्षण गर्नमा त अब्वल नै साबित भएको छ । यसको अलावा देश कोरोना भाइरसका कारण आक्रान्त छ ।

सरकारले लकडाउन घोषण गरेर जनतालाई घर भित्र थुनेको छ, देश नै ठप्प भएको अवस्थामा कुन भूमिको समस्या समाधान गर्नका लागि “भूमि समस्या समाधान आयोग” गठन गरेको हो ? सुकुम्बासी र अव्यवस्थित बसोवासीलाई जग्गा बाँड्ने निहुँमा जनतालाई घर भित्र थुनेर चितवनका नेकपा नेता देवी प्रसाद ज्ञवालीको अध्यक्षतामा विज्ञताहिन कार्यकर्ताहरुको आयोग गठन गरेको निर्णय सार्वजानिक गरेको छ ।

अहिले कोरोना सँग लड्न यथेष्ट स्वास्थ्य सामाग्रीको व्यवस्था, दक्षिणि सिमा नाकामा रहेका हजारौं नेपाली नागरिक जो भारतीय भूमिको क्वारेन्टाइनमा अमानविय र अमर्यादित रुपमा दिन विताइरहेका छन् तीनलाई सर्वोच्च अदालतको निर्णय बमोजिम नेपालमै ल्याएर क्वारेन्टाइनमा सुरक्षित राख्नु पर्ने, स्वास्थ्य सामाग्री खरिदमा भएको अयिमितताको र ओम्नी ग्रुप सँगको कमसल सामान खरिद गरेकोमा सम्झौता रद्द भएको विषयमा, उच्च स्तरिय निश्पक्ष छानविन आयोग गठन गर्नुपर्ने र दोषी ठहरे हदै सम्मको कारबाही गर्छु भनि हिम्मत देखाउन पर्ने समय हो ।

भाइरसको महामारी फैलिएमा दिर्घकालिन योजनाका साथ आवश्यक सघन उपचार कक्ष र भेन्टिलेटरको थप व्यवस्था गर्दै फ्रन्टलाइनमा काम गर्ने स्वास्थ्यकर्मी र सुरक्षाकर्मीको मनोवल बढाउनको लागि सेवा सुविधामा थप र सुरक्षाको प्रयाप्त व्यवस्था अपनाउनु पर्ने, विपक्षि दलहरुलाई पनि यस राष्ट्रिय संकटको घडिमा एकताबद्ध गरि लड्ने वातावरण सिर्जना गनुपर्ने, विरामीको सरल र सर्वसुलभ उपचार गर्नुपर्ने अहिलेको आवश्यकता हो ।

विभिन्न जिल्लामा अलपत्र परेका नागरिक खान नपाएर भोक भोकै बस्नु परेका मजदुर, विपन्न, एकल महिला, अपाङ्गता भएका व्यक्तिहरुको उचित व्यवस्थापन गर्दै संक्रमण पछि आउने आर्थिक मन्दीलाई टेवा पुग्ने गरि आर्थिक राहत प्याकेजको योजना, कोरोना भाइरसबाट संक्रमित बाहेकका विभिन्न दिर्घरोगीहरुले भोग्नुपरेको समस्या समाधानका कुरा, निजि अस्पतालहरुलाई पनि सरकार सँगै डोर्याएर लैजाने विषय आउनुपर्नेमा तत्कालको लागि अनावश्यक र असान्दर्भिक आयोग ल्याउन हतार गरेर सरकारले अर्को विशिष्टता देखाएको छ ।

Lama collectio News Middle

हो भुमिहिन, सुकुम्बासी र अव्यवस्थित बसोवासीको समस्या जटिल छ । हामि पनि यस समस्या समाधान तत्कालै होस् भन्ने चाहन्छु तर आयोग गठन गर्ने उपयुक्त समय या कदापीे होइन । अहिलेको यस विसम् परिस्थितिमा सबै एकजुट भएर कोरोनाको विरुद्धमा पो लड्नु पर्छ । आगामी चुनावलाई लक्षित गरेर पार्टिको स्वार्थलाई फाइदा पुग्ने गरि अपारदर्शी ढंगले गरिएका यस्ता नियुक्ति क्षम्य छैन र यसको सार्वजानिक जवाफ सरकारले दिनु पर्छ ।

किसानको छोरो प्रधानमन्त्री बनेको देख्न चाहने गौरवशाली पार्टी (नेकपा) ले कुन मापदण्ड र नैतिकताका आधारमा ज्ञवालीलाई भूमी समस्या समाधान आयोगमा भर्ती गरेको हो ? के यसको जवाफ सुन्न पाउँछन् जनताले ? कि उहाँहरुसँग जग्गा तथा भुमी सम्बन्धी विज्ञता छ ? यसले लक्षित वर्गको हितमा भन्दा पनि सत्तारुढ पार्टीका नेता, कार्यकर्ता र आसेपासेलाई सुकुम्बासी नभएपनि महंगो जग्गा बाँड्ने जोखिम बढाएको छ । रातारात नक्कली सुकुम्बासी थपिने संभावनाको मार्ग प्रशस्त गरेको छ ।

त्यसैले समय आएपछि सबैकाम गरौला हतार हतारमा यस्तो संकटको बेलामा अपारदर्शी रुपमा र प्रतिकुल समयमा आएको यो निर्णय तत्काल सच्चाइयोस् नत्र पुर्वकालिन समयमा आएका आयोग जस्तै असफल हुने प्राय निश्चित छ । यो त “कहिँ नभएको जात्रा हाँडी गाँउमा” भन्ने उखान जस्तै भयो ।

सरकारलाई वर्तमान महासंकट समाधानको सतत् शुभकामना यस लडाईमा हाम्रो पार्टी नेपाली काँग्रेस पनि सँगै छ । सरकारले विपक्षिवाट आएका आलोचना र सुझावलाई खुराकको रुपमा लिनुपर्छ र जायज तथा आवश्यक सुझाव ग्रहण गर्ने क्षमता पनि राख्नु पर्छ ।

जय नेपाल !

© 2020, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

Bernhardt
सम्बन्धित खवर
टिप्पणिहरु
Loading...
friends bakery