पोखरा।
पोखरा महानगरपालिकाले आर्थिक वर्ष २०७९र८० मा स्वर्णिम कर्मचारी अवकास योजनालाई साढे १० करोड बजेट विनियोजन गरेको छ । कर्मचारी संख्या कटौती गर्न उनीहरुलाई स्वेच्छिक रुपमा अवकास लिन प्रेरित गर्ने गरी महानगरले यो योजना ल्याएको हो ।
योजना अनुसार पुराना करार कर्मचारीले स्वेच्छिक अवकास लिन चाहे महानगरबाट निश्चित रकम पाउने छन् । यो आर्थिक वर्षको बजेटको वार्षिक कार्यक्रम पुस्तिका ९रातो किताब० भर्खरमात्रै सार्वजनिक भएको हो । उक्त किताबमा त्यस प्रयोजनाका लागि १० करोड ५० लाख बजेट विनियोजन गरिएको छ ।
महानगरका प्रवक्तासमेत रहेका पोखरा २५ का वडाध्यक्ष मोतीलाल तिमिल्सिनाले यो योजनामार्फत महानगरमा काम गरेको अवधिको आधारमा निश्चित रकम प्रदान गरिने जानकारी दिए । उनका अनुसार १ वर्ष अवधि पुगेकालाई १ महिनाको सेवा सुविधा, १५ वर्ष पुगेकालाई १५ महिनाको सेवा सुविधा प्रदान गरिनेछ ।
महानगरले आव ०७९/८० का लागि स्थायी कर्मचारीको तलबका लागि २६ करोड ५२ लाख बजेट विनियोजन गरेको छ । महानगरले स्थायी कर्मचारीको तलव पहिलो त्रैमासिकमा ८ करोड १६ लाख र दोस्रो, तेस्रो र चौथो त्रैमासिकमा समान ६ करोड १२ लाख विनियोजन गरेको छ । कर्मचारी पोसाक भत्ताका लागि महानगरले ८२ लाख ५० हजार बजेट विनियोजन गरेको छ ।
महानगरले पोखरा प्रवेशद्वार ब्युटिफिकेसन र पोखरा स्मारकको अध्ययत ब्रान्डिङ निर्माणका लागि समान १–१ करोड रुपैयाँ बजेट छुट्याएको छ । महानगरले करारका कर्मचारीको पारिश्रमिकका लागि ९ करोड र नगर प्रहरीको पारिश्रमिकका लागि १ करोड ८० लाख बजेट विनियोजन गरेको छ ।
© 2022, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.